Di gnot precipitazions moderadis su dute la regjon cun cuote de nêf sui 600-800 metris, di matine ancjemò un pocje di ploie a Triest e sul Cjars, ancje cun caratar di precipitazion improvise invezit su lis zonis ocidentâls e in Cjargne il timp al miorarà cun grandis sclaridis. Dopomisdì su lis Prealps e in Cjargne e podarà jessi ancjemò cualchi temporâl locâl che po dopo al podarà interessâ ancje cualchi zone di planure. Di matine e soflarà Buere moderade su la marine. Temperaduris ancjemò sot de medie dal periodi.

Su la marine variabil, in planure innulât, su lis monts nûi o cîl dut innulât cun plui soreli in Valcjanâl. E sarà probabilitât di precipitazions ca e là e a bugadis, in gjenar cun intensitât debile o moderade, cun cualchi temporâl e cuote de nêf sui 1000-1400 metris. Su la marine a dadis al soflarà aiar di Sud moderât.

Su la planure e su la marine cîl variabil, su lis monts nûi o cîl dut innulât cun plui soreli su lis Alps. E sarà pussibilitât di precipitazions ca e là e a bugadis, in gjenar cun intensitât debile o moderade, cun cualchi temporâl. Temperaduris ancjemò sot de medie dal periodi ma in cressi, cun zero termic tor dai 2000 metris.

In gjenar pôcs nûi par veladuris a cuote alte. Aiars di brise. In planure temperaduris in cressi. Zero termic sui 3000 metris.